ՄԻՊ Քրիստինե Գրիգորյանն ընդունել է Շվեդիայի դեսպանին
Մարդու իրավունքների պաշտպան (ՄԻՊ) Քրիստիննե Գրիգորյանն այսօր ընդունել է Հայաստանում Շվեդիայի Թագավորության արտակարգ և լիազոր դեսպան Պատրիկ Սվենսոնին: Այս մասին հայտնում է ՄԻՊ հանրային կապերի բաժինը։
Քրիստինե Գրիգորյանը ողջունել է դեսպան Սվենսոնին ՄԻՊ գրասենյակում, և ներկայացնելով Պաշտպանի աշխատակազմի գործունեության առաջնահերթությունները՝ ընդգծել է սահմանային անվտանգության, իրավահավասարության, խտրականության բացառման, կանանց իրավունքների պաշտպանության և ատելության խոսքի բացառման ուղղությամբ կատարվող աշխատանքների կարևորությունը։
Դեսպան Սվենսոնը շնորհավորել է Քրիստիննե Գրիգորյանին Մարդու իրավունքների պաշտպանի պաշտոնի ստանձնման առթիվ և բարձր է գնահատել Պաշտպանի կողմից նախանշած գործունեության ոլորտային առաջնահերթությունները՝ ընդգծելով Շվեդիայի դեսպանատան կողմից ՄԻՊ գրասենյակի գործունեությանն աջակցելու բարձր պատրաստակամությունը:
Ամփոփելով հանդիպումը՝ կողմերն առկա համագործակցությունը շարունակելու և խորացնելու պատրաստակամություն են հայտնել:
Մեկնաբանել