«ՀԺ» իրականացրած մանրածախ գների դիտարկումներից պարզ է դառնում, որ ընտրություններից ընդամենը մի քանի օր անց՝ այս տարվա մայիսի 10-ի դրությամբ, ապրիլի 9-ի համեմատ, շաքարավազի մեկ կգ-ի գինը բարձրացել է 10 դրամով։

Հայաստանում միջինն օրական սպառվում է 275 տոննա շաքարավազ։ Իսկ դա նշանակում է, որ կգ-ը 10 դրամով թանկանալու արդյունքում շաքարավազի միակ ներկրողն ու արտադրողը՝ Սամվել Ալեքսանյանը, օրական ստանում է լրացուցիչ 2 միլիոն 750 հազար դրամ եկամուտ կամ ամսական ավելի քան 82 միլիոն դրամ։ Թե քանի ամսում նա «կհանի» ընտրությունների համար կատարած իր ծախսերը, դժվար է ասել։

Նկատենք նաեւ, որ իբր Ալեքսանյանի կնոջը պատկանող «Ալեքս Գրիգ» ընկերությունն այս տարվա առաջին եռամսյակում մոտ 15 տոկոսով ավելի քիչ է հարկ վճարել, քան անցած տարի։