Հանրապետության գետերում մարտի 31-ից ապրիլի 1-ը դիտվել է ջրի ելքերի մեծացում, առանձին գետերում՝ զգալի: Այս մասին հաղորդում է Հիդրոօդերևութաբանության և մոնիթորինգի կենտրոնը։ 

Հիշեցնենք՝ նախօրեին կենտրոնը զգուշացրել էր, որ օդի ջերմաստիճանի կտրուկ բարձրացմամբ՝ 8-9 աստիճանով, ապրիլի 2-ին, 3-ին հանրապետության գետերում սպասվում է ջրի ելքերի մեծացում, առանձին գետերում կանխատեսվում է ջրի անբարենպաստ ելքեր, որոնց մերձափնյա հատվածներում հնարավոր են ջրածածկումներ և հեղեղումներ։