«Այսօր կամ վաղը կորոշվի, դեռ հայտնի չի խորհրդարան անցնում եմ, թե ոչ»,- «Հետքի» հետ զրույցում ասաց ԱԺ պատգամավոր Ռաֆիկ Պետրոսյանը:

Կրթությամբ իրավաբան պատգամավորն ասաց, որ Հայաստանի ֆինանսական հնարավորություններից ելնելով առայժմ հստակ կարգավորված չէ, թե ինչ է անելու այն պատգամավորը, որը բացի աշխատավարձից այլ եկամուտ չունի եւ ընտրությունների արդյունքում էլ չի ընտրվել:

Ռաֆիկ Պետրոսյանն ասում է, որ միջազգային պրակտիկայում, եթե պատգամավորը չի ընտրվում, կամ ավարտում է նստաշրջանը, ապա պարտադիր վերադառնում է այն աշխատանքին, որտեղից եկել էր խորհրդարան, իսկ եթե դա հնարավոր չէ, ապա նրան ապահովում են համարժեք աշխատանքով:

Այդ դրույթը գործել է նաեւ խորհրդային տարիներին, սակայն անկախությունից հետո, երբ ամեն ինչ մասնավորեցվեց, այդ դրույթն ուժը կորցրեց: «Բոլոր ոլորտներում էլ փոփոխություններ անհրաժեշտ են, այդ թվում նաեւ այդ ոլորտում է անհրաժեշտ փոփոխություն իրականացնել»,- ավելացրեց պատգամավորը: