Սեպտեմբերի 7-ից 9-ին Գերմանիայի Պրետցել ամրոցում կանցկացվի Կոմիտասի անվան դասական երաժշտության միջազգային 2-րդ մրցույթ-փառատոնը, որի նպատակն է արտերկրում ներկայացնել հայ դասական երաժշտությանը:

Մրցույթ-փառատոնի շրջանակներում կկատարվեն անմահ Կոմիտասի ստեղծագործությունները, կհնչեն հայ ժամանակակից, նաև գերմանական ու արևմտաեվրոպական կոմպոզիտորների գործերից:

Փառատոնը կանցկացվի ՀՀ մշակույթի նախարարության, Markisch-Oberland շրջանի ղեկավարության և Պրետցել քաղաքի վարչակազմի աջակցությամբ:

Մշակույթի նախարարության կայքի տեղեկացմամբ՝ Կոմիտասի անվան դասական երաժշտության միջազգային փառատոնի գեղարվեստական ղեկավարն է Վահրամ Եկավյանը, հիմնադիրներն են Վահրամ և Արամ Եկավյանները: