ԿԳՄՍ նախարարության Պահպանության ծառայություն ՊՈԱԿ-ը հայտնում է, որ համացանցում տեղեկատվություն էր տարածվել «Գառնի» պատմամշակութային արգելոց-թանգարանի մուտքից քիչ հեռու տեղադրված սպորտային սարքի վերաբերյալ։

«Նկատի ունենալով, որ այն աղճատում է հուշարձանի պատմաճարտարապետական տեսքը, ու ընկալելի չէ այդ սարքի տեղադրումը թեկուզեւ հուշարձանի պահպանական գոտուց դուրս, «Պահպանության  ծառայություն» ՊՈԱԿ-ի տնօրենության նախաձեռնությամբ սպորտային ու հարեւանությամբ տեղադրված  զովացուցիչ  ըմպելիքի սարքերը հանվել են  տարածքից։ Հայցում ենք մեր այցելուների ներողամտությունը»,- ասված է հաղորդագրության մեջ։