Շրջակա միջավայրի նախարարության կազմում գտնվող «Դիլիջան» ազգային պարկը Կովկասի բնության հիմնադրամի կողմից 2022 տարվա առաջին գումարային փոխանցումն է ստացել, որը կազմել է 95 հազար 500 եվրո։ 

Ըստ նախարարության տարածած հաղորդագրության՝ բնության հատուկ պահպանվող տարածքին հատկացված գումարն անհրաժեշտ է կառույցի արդյունավետ գործունեությանն ուղղված ընթացիկ ծախսերի ֆինանսավորման համար։ 

Մինչ այս առաջին գումարային օժանդակությունները հատկացվել են նաև «Զանգեզուր» կենսոլորտային համալիրին (142 հազար 500 եվրո) և «Արփի լիճ» ազգային պարկին (34 հազար եվրո)։