Մայիսի 11-ին Արագածոտնի մարզի Ծաղկահովիտ գյուղի ոստիկանության բաժնից տեղեկություն է ստացվել, որ նախկին «Շրջկոոպի» պահեստների մոտակայքում հայտնաբերվել է 3 ականանման առարկա:

Դեպքի վայր են մեկնել Ծաղկահովիտ գյուղի հրշեջ-փրկարարական ջոկատի հրամանատարը, տեղակալն ու ՀՀ ՊՆ սակրավորների խումբը: Դեպքի վայրում են եղել նաև ՀՀ ոստիկանության և ԱԱԾ աշխատակիցներ:

Պարզվել է, որ գտնված առարկաներից մեկը մարտական վիճակում գտնվող «ОЗМ-72» տիպի հակահետևակային ական է, իսկ մյուս երկուսը՝ «ՀՄՄ-1»-ի (БМП-1) հրթիռի տանող մասեր:

Արտակարգ իրավիճակների նախարարության տեղեկացմամբ՝ սակրավորները տե­ղում ոչնչացրել են գտածոները: