Օրիորդ, Դուք վաճառված եք:

Ձեզ կհանքարդյունաբերի Լիխտեյնշտեյնում հաստատված անգլիական կապիտալով կանադական մի ընկերություն, ով իր ընկերների հետ միասին կզբաղվի Ձեր շահագործմամբ: Մի վախեցե'ք, դուք ձեզ մենակ չեք զգա:
Հատկապես բարձր է գնահատվել Ձեր բազմամետաղային բերանը, այնտեղ հայնտաբերվել է ոսկի, արծաթ,

Ձեր երիկամները նույնպես հարուստ են թանկարժեք քարերով:

Ձեր լուսավոր մտքերը մեզ հուշում են, որ ձեր գլխում ուրան կա:

Շնորհավորում եմ Ձեզ, դուք արդեն ՏԻԿԻՆ եք:

Իսկ ի՞նչ է' կարծում էիք, որ այսքան հարստություն ունենալով' պետք է մնայիք չշահագործվա՞ծ: Խոմ չէի՞նք ձեզ գրկելու ու նստելու, չօգտվելու ձեր բարիքներից:

- Լավ, ախր ինչպես, բա իմ ամուսի՞նը:

-Դե ձեր քառակուսի մետրը 10 ցենտով' առանք նրանից:

- Իսկ երեխանե՞րը:

- Այսքանից հետո էլ ի՞նչ երեխա, տիկին. մենք ձեզ ազատեցինք վերարտադրվելու այդ բարդ ու տհաճ պրոցեսից:

Մարիամ Սուխուդյան