Մայիսի 12-ին Լոռու մարզի Մարգահովիտ գյուղից տեղեկություն է ստացվել, որ ժամը 20.00-ի սահմաններում տեղացած ուժեղ կարկուտը վնասել է գյուղի պտղատու այգիներն ու ցանքատարածքները: Պատճառված վնասի չափերը ճշտվում են:

Իսկ մայիսի 11-ին Արարատի մարզի Այգավան գյուղից տեղեկություն է ստացվել, որ գյուղում կարկուտ է տեղացել: Կարկտահարվել են նաև Նոր Կյանք, Նոր Ուղի, Ոսկետափ և Փոքր Վեդի գյուղերը:

Պատճառված վնասի չափը ճշտվում է: Տարածքը սպասարկող ՀՀ ԱԻՆ «Մեվանծ» ՊՈԱԿ-ի հակակարկտային կայաններից իրականացվել է 9550 կրակոց: