Ապրիլի 24-ին, ժամը 20։12-ին Արարատի մարզային ճգնաժամային կառավարման կենտրոն ահազանգ է ստացվել, որ Երևանի Նոր Խարբերդի ամառանոցներում՝ եկեղեցու մոտակայքում, ավտոմեքենան շրջվել է ջրանցքը․ կա արգելափակված քաղաքացի։

Ինչպես հայտնում է արտակարգ իրավիճակների նախարարությունը, դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:

Պարզվել է, որ «Mazda 6» մակնիշի ավտոմեքենան (վարորդ՝ Վ․ Ա․, ծնված 1988 թ.) դուրս է եկել ճանապարհի երթևեկելի հատվածից, կողաշրջվել և սահել դեպի ջրանցքը։

Փրկարարները ջրանցքից դուրս են բերել ավտոմեքենան, այնուհետև՝ վարորդին․ հոսպիտալացման կարիք չի եղել։