Առավոտյան ամփոփումը սկսենք Ուկրաինայում իրավիճակի վերաբերյալ բրիտանական ռազմական հետախուզության առավոտյան ամփոփագրով։

• Ռուսական ուժերը երկրի արևելքում, հավանաբար, փորձում են շրջափակել ուկրաինական լավ ամրացված դիրքերը։
• Ենթադրաբար, Կրեմեննայա քաղաքն ընկել է։ Հաղորդվում է Իզյումից հարավ ծանր մարտերի մասին, որտեղ ռուսական զորքերը փորձում են առաջ շարժվել դեպի Սլավյանս և Կրամատորսկ քաղաքներ, որոնք գտնվում են, համապատասխանաբար, դեպի հյուսիս և արևելք։
• Ուկրաինական ուժերը պատրաստվում են հարավից Զապորոժյեի վրա Ռուսաստանի հնարավոր հարձակմանը:

Ուկրաինայի զինված ուժերի գլխավոր շտաբի առավոտյան ամփոփագիրը։

• Արևելյան ռազմաճակատում փոփոխություններ չկան։
• Ռուսական զորքերը հրթիռահրետակոծում են ուկրաինական դիրքերը՝ երբեմն փորձելով հարձակվել։ Նրանք չեն թողնում Պոպասնայան և Զավոդին գրավելու փորձերը։
• Շարունակվում է «Азовсталь»-ի հրթիռակոծումը, որտեղ թաքնվում են ուկրաինացի զինվորականները և մոտ հազար քաղաքացիական անձ։
• Բռնազավթված Խերսոնում ոնչնացվել է զինամթերքի պահեստ և սպանվել ավելի քան 70 ռուսաստանցի զինվորական։

Վյաչեսլավ Վոլոդինը Ուկրաինային անվանել է «ահաբեկչական պետություն»։

ՌԴ Պետդումայի խոսնակը նման հայտարարություն արել է լրագրող Վլադիմիր Սոլովյովի վրա ենթադրյալ հարձակման փորձը մեկնաբանելիս։

«Պատերազմ հրահրելով սեփական ժողովրդի դեմ՝ Կիևն անցել է այլ երկրների խաղաղ բնակչության դեմ ահաբեկչություններին։ Ահա թե ինչու է հանգեցնում նեոնացիստական գաղափարախոսությանն աջակցելը։ Անհրաժեշտ է ընդունել. Ուկրաինան ահաբեկչական պետություն է։ Զելենսկին պետք է պատասխանատվության ենթարկվի»,- իր տելեգրամյան ալիքում գրել է Վոլոդինը։

Զապորոժյեի մարզը ենթարկվել է հրթիռակոծման։

«Առավոտյան 06:50-ին գրանցվել են «ժամանումներ»։ Հանգամանքները պարզվում են»,- հայտնել է Զապորոժյեի մարզային զինվորական վարչակազմը։

Պատերազմի մեկնարկից ի վեր Ուկրաինայում զոհվել է 217 երեխա։

Նման տվյալներ է հրապարակել Ուկրաինայի գլխավոր դատախազի գրասենյակը։ Եվս ավելի քան 391-ը վիրավորվել է։ Ամենամեծ թվով երեխաները տուժել են Դոնեցկի (127), Կիևի (114) և Խարկովի (93) մարզերում։

Ապրիլի 25-ին ռուսական զորքերի կողմից Դոնեցկի մարզի Լիման քաղաքի բնակելի շենքերի հրթիռակոծման հետևանքով մահացու վիրավորում էին ստացել 9 և 13 տարեկան երկու երեխա։ 

Volvo-ն և Land Rover Jaguar-ը կրճատում են Ռուսաստանում աշխատակիցների հիմնական մասը։

Այդ մասին գրում է «Коммерсант»-ը։ Մեկ շաբաթ առաջ հայտնի էր դարձել, որ Ռուսաստանից վերջնական հեռանում է առաջին օտարերկյա ավտոկոնցեռնը՝ General Motors-ը (GM)։ Պատերազմի մեկնարկից ի վեր Ռուսաստանում դադարեցրել կամ իրենց աշխատանքը  կրճատել են արդեն 750 արտասահմանյան ընկերություն։

Ուկրաինայի օդային ուժերի հրամանատարությունը հայտարարել է մեկ օրվա ընթացքում օդային 9 թիրախի խոցման մասին։

Խոսքը 3 ինքնաթիռի, 4 անօդաչուի և 3 թևավոր հրթիռի մասին է։

Խոցված ինքնաթիռների թվում են՝ Су-34, Су-35 և Су-30։

Լուսանկարը՝ The New York Times-ի