2022 թվականի մայիսի 5-ին՝ ժամը 01։53-ին, «Շտապբուժօգնություն» ՓԲ ընկերությունը Քննչական կոմիտեին տեղեկացրել է, որ Երևան քաղաքի Ադոնցի փողոցի շենքերից մեկի բնակարանում կանչով մեկնած շտապօգնության խումբը հայտնաբերել է 30-35 տարեկան կնոջ դի՝ գլխի վնասվածքով։

Քննչական կոմիտեի Արաբկիրի քննչական բաժնի աշխատակիցները կատարված զննությամբ վերոնշյալ բնակարանի ննջասենյակում հայտնաբերել են նույն բնակարանի բնակչուհու դին՝ մարմնական վնասվածքներով։    

ՔԿ հաղորդմամբ, քրեական գործի նախաքննության ընթացքում նշանակվել են դիակի դատաբժշկական, գենետիկական, հետքաբանական փորձաքննություններ, հարցաքննվել են մի շարք անձինք, առգրավվել և զննության են ենթարկվել դեպքի վայրի հարակից տարածքները նկարահանող տեսախցիկների տեսանյութերը։ 

Պարզվել է ենթադրյալ հանցագործությունը կատարած անձի ինքնությունը, նա 35-ամյա կնոջ ամուսինն է: Վերջինս ձերբակալվել է: Նախաքննությունը շարունակվում է: