Սևանա լճում կորած 2 քաղաքացու որոնողական աշխատանքները վերսկսվել են
Մայիսի 9-ին Սևանա լճում որոնողական աշխատանքները վերսկսելու նպատակով դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հատուկ ջրափրկարարական ջոկատից երկու մարտական հաշվարկ:
Ինչպես հայտնում է ԱԻ նախարարությունը, Ժամը 07։31-ի դրությամբ որոնողական աշխատանքները վերսկսել են։
Հիշեցնենք, որ մայիսի 6-ին՝ ժամը 18:16-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Վարդենիկ-Զոլաքար գյուղերի ափամերձ հատվածից երկու քաղաքացի նավակով դուրս են եկել Սևանա լիճ և չեն վերադարձել։
Դեպքի վայր են մեկնել ԱԻՆ ՓԾ հատուկ ջրափրկարարական ջոկատի օպերատիվ խումբը և մեկ մոտորանավակ:
Որոնողական աշխատանքներն ավարտվել էին անարդյունք։
Մայիսի 7-ին և 8-ին Սևանա լճում որոնողական աշխատանքները վերսկսելու նպատակով դեպքի վայր էին մեկնել ԱԻՆ ՓԾ հատուկ ջրափրկարարական ջոկատից մեկ մարտական հաշվարկ, օպերատիվ խումբը և մեկ մոտորանավակ:
ԱԻՆ-ի հաղորդմամբ՝ որոնողական աշխատանքները կրկին ավարտվել էին անարդյունք։
Տեսանյութեր
Լուսանկարներ
Մեկնաբանել