Տեսանյութեր
Լուսանկարներ
«Արցախում արտոնյալներ չպետք է լինեն». ԱՀ նախագահի խոսնակը՝ գեներալ Կարապետյանի ձերբակալության մասին
Արցախի նախագահի մամուլի խոսնակ Լուսինե Ավանեսյանն անդրադարձել է նախօրեին Ստեփանակերտի «Վերածննդի» հրապարակում հնչած կրակոցների դեպքին։ Ինքնաձիգից կրակոցներ արձակած անձը Արցախի պաշտպանության նախկին փոխնախարար, Արցախի hերոս, գեներալ Սամվել Կարապետյանն է, որը ձերբակալվել է։
«Արցախպրեսը» մեկնաբանություն է վերցրել ԱՀ նախագահի խոսնակ Լուսինե Ավանեսյանից․
«Ստեփանակերտի «Վերածննդի» հրապարակում մայիսի 10-ին հնչած կրակոցների դեպքի առթիվ հարուցված քրեական գործով ձերբակալվել է Արցախի հերոս Սամվել Կարապետյանը: Գործը գտնվում է իրավապահ մարմինների լիազորությունների տիրույթում: Չնայած այն հանգամանքին, որ Արցախի նախագահը անցած ժամերի ընթացքում Սամվել Կարապետյանին աջակցող դիմումներ է ստացել և ինքն էլ բարձր է գնահատում Հայրենիքի պաշտպանության գործում պարոն Կարապետյանի ունեցած վաստակը, սակայն իրավասու չէ որևէ կերպ միջամտել իրավապահների աշխատանքին: Արցախի Հանրապետությունում բոլորն օրենքի առջև հավասար են, և այս առումով Նախագահը բազմիցս հայտարարել է, որ Արցախում արտոնյալներ չպետք է լինեն»,- ասել է Ավանեսյանը:
Մեկնաբանել