Տեսանյութեր
Լուսանկարներ
Անվճար ուսուցմամբ նպատակային ընդունելություն՝ Ագրարային համալսարանում
Հայաստանի պետական ագրարային համալսարանը ՀՀ գյուղատնտեսության նախարարության ու մարզպետարանների ներկայացրած հայտերի հիման վրա կազմակերպում է նպատակային ընդունելություն՝ անվճար ուսուցմամբ: Ավարտելուց հետո շրջանավարտները կապահովվեն աշխատանքով:
Ինչպես նշեց ՀՀ գյուղատնտեսության փոխնախարար Ռոբերտ Մակարյանը, ընդունելությունը կկազմակերպվի «Ագրոնոմիա», «Բույսերի պաշտպանություն», «Գյուղատնտեսական մշակաբույսերի սելեկցիա և գենետիկա», «Անտառային տնտեսություն և բնակավայրերի կանաչապատում», «Ագրոէկոլոգիա», «Անասնաբուծություն», «Անասնաբուժական սանիտարական փորձաքննություն» և «Անասնաբուժություն» մասնագիտությունների գծով:
Դիմորդները մինչև հունիսի 1-ը հայտերը պետք է ներկայացնեն համապատասխան մարզպետարաններ, վերջիններս՝ գյուղատնտեսության նախարարություն: «Մենք էլ հայտերն ուղարկելու ենք Ագրարային համալսարան՝ ընդունելությունը կազմակերպելու նպատակով»,- ասաց Ռ. Մակարյանը:
Մեկնաբանել