![](/static/articles/14/50/l-1mD8rulu1C.jpg)
Ծառուկյանը նախագահ կդառնա՞, թե՞ ոչ. «Այդ մասին հաջորդ դասին»
«Բարգավաճ Հայաստան» կուսակցության առաջնորդ Գագիկ Ծառուկյանը, երբ գալիս է Ազգային ժողով, սովորաբար հանդիպում է լրագրողների հետ: Այս անգամ Գ. Ծառուկյանի հանդիպումը սովորականից կարճ տևեց: Նա պատասխանեց ընդամենը մի քանի հարցի և անմիջապես հեռացավ:
Պատգամավորը ևս մեկ անգամ հաստատեց, որ ԲՀԿ-ն առանձին է մասնակցելու առաջիկա խորհրդարանական ընտրություններին: «Եթե մենք երկրորդ ուժն ենք, ինչի՞ մասին է խոսքը, էդ փոքրերը պետք է միանան մեծերին»,- ասաց Գագիկ Ծառուկյանը:
ԲՀԿ նախագահի խոսքերով' «Բարգավաճ Հայաստան» կուսակցությունը ստորագրել է կոալիցիոն հուշագիրը, որպեսզի նախագահ Սերժ Սարգսյանն ավելի վստահ զգա իրեն միջազգային բանակցություններում:
Լրագրողները նաև հետաքրքրվեցին, թե հնարավո՞ր է, որ 2013թ. նախագահական ընտրություններին էլ Գագիկ Ծառուկյանն առանձին մասնակցի: Վերջինս հետևյալ ձևով պատասխանեց. «Այդ մասին հաջորդ դասին»:
Մեկնաբանություններ (7)
Մեկնաբանել