Երևանում ընթացող բռնցքամարտի Եվրոպայի առաջնությունում այսօր կայացան կիսաեզրափակիչ մենամարտերը։ Մինչև 92 կգ քաշային կարգում Հայաստանը ներկայացնող  Նարեկ Մանասյանը եզրափակչի ուղեգրի համար պայքարում զիջեց իսպանացի Էմանուել Ռեյեսին և դարձավ Եվրոպայի առաջնության բրոնզե մեդալակիր։ 

Նարեկ Մանասյանն իր պայքարը սկսել էր ⅛ եզրափակչից, որտեղ նրա մրցակիցը սլովակ Դավիդ Միխալեկն էր։ Մենամարտի երկրորդ ռաունդում 26-ամյա հայ բռնցքամարտիկը նոքդաունի ենթարկեց մրցացկին և մրցավարը վաղաժամ դադարեցրեց գոտեմարտը։ Քառորդ եզրափակչում Նարեկ Մանասյանը մրցեց Հունաստանը ներկայացնող Վագկան Նանիտզանիանի դեմ և հաղթող ճանաչվեց մրցավարների միաձայն որոշմամբ՝ 5։0 հաշվով։

Եզրափակիչ դուրս գալու ճանապարհին Նարեկ Մանասյանի ճանապարհին կանգնեց իսպանացի Էմանուել Ռեյեսը։ Ծանր և համառ դիմակայությունում Նարեկ Մանասյանը զիջեց մրցակցին 5։0 հաշվով և բավարարվեց բրոնզե մեդալով։

Հավելենք, որ այսօր կայացած գոտեմարտերում հաղթանակ տանելու շնորհիվ եզրափակչի ուղեգիր է նվաճել Հայաստանի երեք ներկայացուցիչ՝ Արթուր Բազեյանը (57 կգ), Հովհաննես Բաչկովը (63,5 կգ) և Ռաֆայել Հովհաննսիյանը (86 կգ)։ Չեմպիոնական մենամարտերը կկայանան վաղը՝ մայիսի 30-ին, մեկնարկը՝ 17։00-ին։

Լուսանկարը՝ առաջնության ֆեյսբուքյան էջից