Արցախի ԱԺ նախագահի գլխավորած պատվիրակությունը հանդիպել է Կիպրոսի խորհրդարանական որոշ ուժերին
Արցախի Հանրապետության ԱԺ նախագահ Արթուր Թովմասյանի գլխավորած պատվիրակությունը հանդիպել է Կիպրոսի խորհրդարանում ներկայացված «Կանաչների կուսակցություն» և «Ընկերվարական /սոցիալիստական/ ԷՏԷՔ կուսակցություն» խմբակցությունների պատգամավորներին։ Այս մասին հայտնում են Արցախի ԱԺ լրատվական բաժնից։
Քննարկվել է հարցերի լայն շրջանակ։ Պատվիրակության անդամները պատասխանել են խորհրդարանականներին հուզող հարցերին։
«Ընկերվարական ԷՏԷՔ կուսակցության» պատգամավոր Անդրեաս Ապոստոլուն վերջերս ընդգրկվել է «Կիպրոս- Արցախ» բարեկամական շրջանակի կազմում։ Պատգամավորի այդ որոշումը ողջունել են Հայ Դատի հանձնախումբը և արցախյան պատվիրակության անդամները։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել