Թբիլիսիի քաղաքապետի տեղակալ Իլյա Էլոշվիլին մահացած է հայտնաբերվել իր տանը, մահվան պատճառը ճշտվում է։ Այդ մասին հայտնում է Новости-Грузия տեղեկատվական պորտալը։

Վրաստանի ներքին գործերի նախարարությունը հայտնել է, որ քննությունն ընթանում է ՔՕ 115-րդ հոդվածով («ինքնասպանության հասցնում»)։ Այդ հոդվածով գործը մշտապես հարուցվում է մինչև մահվան ճշգրիտ պատճառի պարզումը։

Վրացական լրատվամիջոցների փոխանցմամբ՝ տեղում արդեն մի քանի ժամ աշխատում են փորձագետները և շներով կինոլոգները։ Մարմինը դեռևս չի փոխանցվել փորձաքննության։ 

Էլոշվիլին արդեն ավելի քան 10-ը տարի Թբիլիսիի գործող քաղաքապետ Կախա Կալաձեի թիմում էր։ Փոխքաղաքապետի պաշտոնում նա նշանակվել էր 2017 թվականին, իսկ մինչ այդ զբաղեցնում էր էներգետիկայի փոխնախարարի և նախարարի պաշտոնները։ 

Իլյա Էլոշվիլին 47 տարեկան էր, ամուսնացած էր և ուներ երկու երեխա։

Լուսանկարը՝ Tbilisi City Hall/Facebook