2022թ. հունիսի 25–ին՝ շաբաթ օրը, տեղի կունենա «Հայաստան» համահայկական հիմնադրամի Հոգաբարձուների խորհրդի տարեկան 31–րդ նիստը, որի ընթացքում կներկայացվեն Հիմնադրամի 2021 թվականի գործունեությունը և ֆինանսական հաշվետվությունը:

«Հայաստան» համահայկական հիմնադրամի հաղորդագրության համաձայն՝ Հոգաբարձուների խորհրդի նիստը տեղի կունենա ՀՀ նախագահի նստավայրում (Բաղրամյան պող. 26/1): Պաշտոնական բացումը՝ ժամը 10:00-ին, մասնակիցների գրանցումը՝ 9:00 - 9:30-ը: