Աֆղանստանի հարավ-արևելքում գտնվող Պակտիկա պրովինցիայում տեղի ունեցած հզոր երկրաշարժի հետևանքով զոհվել է առնվազն 250 մարդ, ևս մոտ 150-ն ստացել են տարբեր աստիճանի մարմնական վնասվածքներ։ Այդ մասին հայտնում է Reuters գործակալությունը՝ հղում անելով աֆղանական լրատվամիջոցներին։ 

Սոցիալական ցանցերում կադրեր են հայտնվում, որտեղ երևում են ավերված տները, փողոցներում փլատակներն ու պատգարակների վրա գտնվող տուժածները։

Տեղական իշխանությունների ներկայացուցիչները հայտնել են, որ հավանաբար, զոհերի թիվը կմեծանա։ 

#BREAKING: As many as 280 people lost their lives and over 600 others were wounded following earthquake in #Paktika and #Khost province on Tuesday night, local officials told #BNA.
The death toll is likely to rise, local officials and residents said. pic.twitter.com/ca10Y8w476

— Bakhtar News Agency (@BakhtarNA) June 22, 2022

Երկրաշարժի էպիկենտրոնը գտնվել է Աֆղանստանի հարավ-արևելքում գտնվող Խոստ քաղաքից մոտ 44 կիլոմետր հեռավորության վրա։ Ցնցումները զգացվել են երկրի սահմանից ավելի քան 500 կիլոմետր հեռավորության վրա, այդ թվում Պակիստանում և Հնդկաստանում։

Ամերիկյան սեյսմոլոգների տվյալներով՝ երկրաշարժը նաև զգացվել է Աֆղանստանի մայրաքաղաք Քաբուլում և Պակիստանի մայրաքաղաք Իսլամաբադում։ «Ցավոք նախորդ գիշեր Պակտիկա պրովինցիայի չորս շրջաններում տեղի է ունեցել հզոր երկրաշարժ։ Զոհվել և վիրավորվել են մեր հարյուրավոր բնակիչներ, ավերվել տասնյակ տներ։ Մենք բոլոր գործակալություններին կոչ ենք անում անհապաղ օգնություն ուղարկել այդ շրջան»,- թվիթերյան իր միկրոբլոգում գրել է տեղական իշխանությունների ներկայացուցիչ Բիլալ Քարիմին։ 

په ډير تأسف سره، تیره شپه د پکتیکا ولایت څلورو ولسوالیو کې درنه زلزله شوې، چې له امله یې زموږ سلګونه هیوادوال شهیدان او ټپیان شوي او لسګونه کورونه ویجاړ شوي دي.
له ټولو مرستندویه ادارو غوښتنه کوو، چې په بیړنۍ توګه سیمې ته ټیمونه ولیږي، ترڅو د فاجعې د لا پراخیدو مخه ونیول شي.

— Bilal Karimi(بلال کریمي) (@BilalKarimi21) June 22, 2022

Ամերիկյան սեյսոմոլոգների տվյալներով՝ երկրաշարժի ուժգնությունը կազմել է 6,1 մագնիուտ, իսկ էպիկենտրոնը գտնվել 51 կիլոմետր խորության վրա։ Զոհերի թիվը նաև մեծ է այն պատճառով, որ երկրաշարժը տեղի է ունեցել վաղ առավոտյան, երբ մարդիկ դեռ քնած էին։

Լուսանկարը՝ TOLO News-ի