Ստեփանակերտի քաղաքապետարանը հայտնում է, որ այսօր՝ մոտավորապես ժամը 23:00-ին, քաղաքի հիմնական ջրատար խողովակներից մեկի վթարման հետևանքով ջրազրկվել են Իսակով, Իվանյան, Մաշտոց, Հեքիմյան, Ստարավոյտովա փողոցները:

««Ջրմուղ-կոյուղի» ընկերության ողջ ներուժը անմիջապես ներգրավվել է վթարավերականգնողական աշխատանքներում: Արդյունքում վթարից 15-20 րոպե հետո կանոնավոր ջրամատակարարումը վերականգնվել է վերոնշյալ հասցեների մեծ մասում: Այս պահին ջրի խնդիր ունեն Իսակով 2, 2ա, 2բ շենքերի և Ստարավոյտովա փողոցի բնակիչները: Հայցելով նրանց ներողամտությունը պատճառած անհարմարությունների համար՝ վստահեցնում ենք, որ բրիգադները նաև գիշերն են աշխատելու խնդիրը ժամ առաջ կարգավորելու համար»,- նշվում է հաղորդագրության մեջ։