HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Իշխան Սաղաթելյանն ազատվեց ԱԺ փոխխոսնակի պաշտոնից

Խորհրդարանի արտահերթ նիստում «Քաղաքացիական պայմանագիր» խմբակցությունն ԱԺ փոխխոսնակ, «Հայաստան» խմբակցության պատգամավոր Իշխան Սաղաթելյանին զրկեց փոխնախագահի պաշտոնից:

ԱԺ հաշվիչ հանձնախմբի նախագահ Նարեկ Բաբայանը ներկայացրեց քվեարկության արդյունքները, ըստ որի մասնակցել է 66 պատգամավոր, այդքանն էլ կողմ է քվեարկել Սաղաթելյանին պաշտոնից հետ կանչելու նախաձեռնությանը: Ըստ ՔՊ-ի` նման որոշման են հանգել հաշվի առնելով Իշխան Սաղաթելյանի անհարգելի բացակայությունները:

Երկու քվեարկությամբ մերժված և միայն երրորդ քվեարկությամբ ԱԺ փոխխոսնակի պաշտոնում ընտրված Իշխան Սաղաթելյանը և իր մյուս գործընկերները բոյկոտում էին խորհրդարանական աշխատանքը` փողոցային պայքար մղելով «Դիմադրության» շարժման շրջանակներում: Նա և ևս 13 ընդդիմադիր պատգամավոր հատել են հարգելի բացակայությունների շեմը:

ԱԺ նախագահը կարող է անհարգելի բացակայած պատգամավորների լիազորությունների դադարեցման հարցով ԱԺ խորհրդի նիստ հրավիրել, և խորհրդի հավանությանն արժանանալու դեպքում դիմել Սահմանադրական դատարան:

Այս պահին, ինչպես հայտնել է ԱԺ նախագահը, քաղաքական թիմը նման որոշում չունի:

Մեկնաբանություններ (1)

Mariam H
The Armenian parliament is a zoo, designed to promote hate and devision.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter