![](/static/articles/14/61/80/l-lVhPbMAZgt.jpg)
Դոնալդ Թրամփը առաջիկայում հնարավոր է հայտարարի 2024 թվականի նախագահական ընտրություններին մասնակցելու մասին
Սպիտակ տան նախկին ղեկավար հանրապետական Դոնալդ Թրամփը դիտարկում է 2024 թվականին նախագահական պաշտոնի համար պայքարի իր արշավի մեկնարկի մասին մոտ ժամանակներս հայտարարելու հնարավորությունը: Այդ մասին նախօրեին հայտնել է New York Post թերթը՝ հղում անելով Թրամփի շրջապատում իր աղբյուրին։
Պարբերականի տվյալներով՝ հայտարարությունը կարող է արվել մինչև Կոնգրեսի նոյեմբերյան միջանկյալ ընտրությունները։ «Վաղ հայտարարման մասին քննարկումներն ընթանում են, մարդիկ պլանավորում են: <...> Չնայած հիմա որևէ կոնկրետ բան չկա, մարդիկ պատրաստվում են»,- հայտարարել է ամերիկյան պարբերականի աղբյուրը։
Դոնալդ Թրամփն իր առաջին նախագահական ընտրարշավն սկսել էր 2015 թվականի հունիսին։
Զուգահեռաբար, ինչպես նշում է The New York Times թերթը, հանրապետական նախկին նախագահն իր պլաններով շփոթության մեջ է գցել իր խորհրդականներին՝ ակնարկելով, որ ընտրարշավին մասնակցելու մասին կարող է հայտնել սոցիալական ցանցերի միջոցով։ Նախկին նախագահի աշխատակիցները արագորեն ստեղծում են նախընտրական ապարատ՝ հաշվի առնելով, որ Թրամփը դիտարկում է նույնիսկ այս տարվա հուլիս ամսին այդ մասին հայտարարելու հնարավորությունը։
Լուսանկարը՝ CNN-ից
Մեկնաբանել