Տեսանյութեր
Լուսանկարներ
Առաջիկա 5 օրերին երեկոյան սպասվում է ամպրոպ եւ անձրեւ
Մայիսի 21-ին արտակարգ իրավիճակների նախարարությունում տեղի ունեցավ ԱԻՆ ղեկավար կազմի ամենշաբաթյա խորհրդակցությունը, որը վարում էր ԱԻ նախարար Արմեն Երիցյանը։
ԱԻ նախարարին ներկայացվեց ԱԻՆ մարզային և մայրաքաղաքային ստորաբաժանումներ կատարած այցերի արդյունքում իրականացվելիք բարեփոխումների և աշխատանքների պլան-ժամանակացույցը։
ԱԻՆ սեյսմիկ ծառայության տնօրենը նախարար Երիցյանին ներկայացրեց ընթացիկ սեյսմիկ ռեժիմը, նշելով, որ սեսյմիկ ծառայության մասնագետները մշտապես ստանում և վերլուծում են սեյսմիկ ռեժիմի ցանկացած փոփոխությունների մասին տեղեկատվությունը։
ԱԻՆ հիդրոմետ ծառայության տնօրենը, ներկայացնելով եղանակի կանխատեսումը, նշեց, որ առաջիկա հինգ օրվա ընթացքում հանրապետության տարածքում, հիմնականում երեկոյան ժամերին և գիշերը սպասվում են ամպրոպ և անձրև, հնարավոր է քամու ուժգնացում, կա նաև կարկտի հավանականություն։
ԱԻՆ հակակարկտային ծառայության տնօրենը զեկուցեց, որ հանրապետության մարզերի` հակակարկտային կայաններով պաշտպանվող տարածքներում կարկտահարություն չի գրանցվել։
ԱԻ նախարարը հանձնարարեց հրավիրել մամուլի ասուլիս և բնակչությանը ներկայացնել ընթացիկ սեյսմիկ ռեժիմը, եղանակային սպասվող փոփոխությունները և հակակարկտային ծառայության կողմից իրականացվող աշխատանքները։
ՀՀ ԱԻՆ
Մեկնաբանել