Տեսանյութեր
Լուսանկարներ
Դեսպան Պողոսյանն իր հավատարմագրերի պատճենը հանձնեց Ճապոնիայի ԱԳ փոխնախարարին
Մայիսի 21-ին Ճապոնիայում նորանշանակ ՀՀ դեսպան Հրանտ Պողոսյանը իր հավատարմագրերի պատճենը հանձնեց Ճապոնիայի ԱԳ փոխնախարար Քենիչիրո Սասաեին:
Ճապոնիայի ԱԳ փոխնախարարը շնորհավորեց ՀՀ դեսպանին պաշտոնը ստանձնելու կապակցությամբ և հույս հայտնեց, որ իր պաշտոնավարության օրոք հայ-ճապոնական բազմաբնույթ հարաբերություններն էլ ավելի կամրապնդվեն ու կընդլայնվեն:
Իր հերթին պարոն Պողոսյանը, շնորհակալություն հայտնելով ջերմ ընդունելության համար, ընդգծեց, որ Ճապոնիան Երևանի կողմից միշտ դիտվել ու շարունակում է դիտվել որպես բարեկամ երկիր, և որ նա իր համար պատվավոր է համարում այդ երկրում Հայաստանը ներկայացնելու հանգամանքը:
ՀՀ ԱԳՆ
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել