Վարչապետ Նիկոլ Փաշինյանն ընդունել է ԱՄՆ Կենտրոնական հետախուզական վարչության ղեկավար Ուիլյամ Բըրնսին: 

Ըստ պաշտոնական հաղորդագրության, որը հրապարակել է վարչապետի կայքը, զրուցակիցները քննարկել են միջազգային և տարածաշրջանային անվտանգությանը, ահաբեկչության դեմ պայքարին վերաբերող հարցեր:

Անդրադարձ է կատարվել Հարավային Կովկասի տարածաշրջանում տեղի ունեցող գործընթացներին:

Ավելի վաղ Բըրնսի հետ հանդիպել էր ՀՀ Անվտանգության խորհրդի քարտուղար Արմեն Գրիգորյանը։