Պահպանողական կուսակցության (ՊԿ) նախագահ Միքայել Հայրապետյանը հրաժարական է ներկայացրել կուսակցության նախագահի պաշտոնից։ Այս մասին հայտնում է կուսակցության քարտուղար,նախագահի ժ/պ Թաթուլ Մկրտչյանը։

«ՊԿ նոր նախագահի ընտրությունը կկազմակերպվի արտահերթ համագումարում, որտեղ նաև հաշվետու զեկույցով հանգամանալից անդրադարձ կկատարվի նախկին նախագահի  գործունեությանը։

ՊԿ-ն հայտարարում է, որ վերահաստատում է իր նվիրվածությունը պահպանողական սկզբունքներին և արժեքներին, անկախությանն ու ժողովրդավարությանը, ջանք է գործադրելու կուսակցության հեղինակությունը բարձրացնելու, գործուն անդամներով համալրվելու, ազգայնական և ժողովրդավարական ուժերի հետ գործակցության, համապետական և ՏԻՄ ընտրություններում հաջողության հասնելու ուղղությամբ»,- ասված է կուսակցության հաղորդագրության մեջ։