Վահագն Խաչատուրյանը հանդիպել է ԿԳՄՍ նախարար Վահրամ Դումանյանին
Հանրապետության նախագահ Վահագն Խաչատուրյանը հանդիպում է ունեցել Կրթության, գիտության, մշակույթի և սպորտի նախարար Վահրամ Դումանյանի հետ:
Նախագահի աշխատակազմի հասարակայնության հետ կապերի վարչության հաղորդմամբ՝ նախարարը Հանրապետության նախագահին է ներկայացրել իրականացվող աշխատանքները, կրթական համակարգի բարեփոխումների ռազմավարության ուղղությունները և առաջիկա ծրագրերը:
Անդրադարձ է եղել 2022-ին Հանրապետության բարձրագույն ուսումնական հաստատություններում ընդունելության քննությունների ընդհանուր արդյունքներին:
Մտքեր են փոխանակվել նաև սպորտի և մշակույթի ոլորտներում իրականացվող ծրագրերի շուրջ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել