Արցախի Հանրապետության նախագահ Արայիկ Հարությունյանն օգոստոսի 3-ին ստորագրել է հրամանագիր, համաձայն որի՝ 2022 թվականի օգոստոսի 3-ից Արցախի հանրապետությունում հայտարարվել է մասնակի զորահավաք: Այս մասին հաղորդում է ԱՀ Նախագահի աշխատակազմի տեղեկատվության գլխավոր վարչությունը։

Հիշեցնենք՝ օգոսոտսի 3-ի առավոտվանից Ադրբեջանի զինված ուժերը նռնականետեր և անօդաչու թռչող սարքեր են կիրառում Պաշտպանության բանակի դիրքերի ուղղությամբ։ Ադրբեջանական գործողությունների հետևանքով զոհվել է ՊԲ մեկ զինծառայող, կան նաև վիրավորներ։