Հայաստանի հյուսիսարևելյան սահմանի զորամասերից մեկում տեղի է ունեցել զինվորական երդման հանդիսավոր արարողություն։ Այս մասին հաղորդում է Պաշտպանության նախարարությունը։

«Զինված ուժերի շարքերը համալրած նորակոչիկները երդվել են պատվով ծառայել և անձնվիրաբար պաշտպանել պետական սահմանները։ Խորհրդանշական օրը ելույթներ են ունեցել բարձրաստիճան զինվորականներ, զինծառայողների ծնողներ՝ մաղթելով նորակոչիկներին անվտանգ և խաղաղ ծառայություն»,- ասվում է ՊՆ հաղորդագրությունում։