Երևանի «Սուրմալու» առևտրի կենտրոնում շարունակվում են որոնողական աշխատանքները։ Այս պահի դրությամբ շենքի հարակից տարածքն ամբողջությամբ մաքրված է, ներկայում աշխատանքներ են տարվում բուն պայթյունի հատվածում։ Այս մասին ֆեյսբուքյան իր էջում գրել է Արտակարգ իրավիճակների նախարարության խոսնակ Հայկ Կոստանյանը։

Հիշեցնենք, որ օգոստոսի 14-ին Երևանի «Սուրմալու» առևտրի կենտրոնում տեղի ունեցած պայթյունի հետևանքով զոհվել է 16 մարդ, 62 քաղաքացի տարբեր աստիճանի վնասվածքներ է ստացել։ 2 հոգի էլ մինչև այժմ համարվում է անհետ կորած։