Արցախի Հանրապետության Բերձոր քաղաքից և Աղավնո գյուղից ՀՀ Սյունիքի մարզ է տեղափոխվել 21 ընտանիք, որոնք հաստատվել են Գորիս և Սիսիան համայնքներում։ Այս մասին հաղորդում է Սյունիքի մարզպետարանը։

«Մարզպետարանը դիտարկում է ընտանիքների կենսապայմանները, գնահատում կարիքները, հետաքրքրվում բուժսպասարկման, մանուկների կրթության ապահովման, ընտանիքների անդամների զբաղվածության հարցերով։ Հավաքված տեղեկատվության վերլուծությունից հետո մարզպետարանն ըստ կարիքների կաջակցի այս ընտանիքներին»,- ասվում է մարզպետարանի հաղորդագրությունում։

Հիշեցնենք, որ 2022թ․ օգոստոսի 26-ին Բերձորն ու Աղավնոն անցան Ադրբեջանի վերահսկողության տակ։

Լուսանկարում՝ Բերձոր քաղաքը / © Նարեկ Ալեքսանյան