«Вечер перестает быть томным»,- քաղաքական տեխնոլոգիաների մասնագետ Կարեն Քոչարյանն այսպես մեկնաբանեց կոալիցիա չկազմելու ԲՀԿ-ի հայտարարարությունը: Նա չցանկացավ մանրամասնել, սակայն նշեց, որ ասված արտահայտությունը վերաբերում է ամբողջ Հայաստանին. «Ով հասկանում է, թող հասկանա, ով էլ չէ` չեմ բացատրում»:

Կարեն Քոչարյանի կարծիքով` ստեղծված իրավիճակն ավելի ճիշտ է, քանի որ ճահճացած վիճակից դուրս կգանք, սակայն չբացառեց, որ ԲՀԿ-ի քայլը նախագահական ընտրություններից առաջ արված ինտրիգ է:

Քաղտեխնոլոգի ասելով` ինքը Նաստրադամուսը չի եւ չի կարող գուշակել, արդյոք ԲՀԿ-ն ու ՀՀԿ-ն խորհրդարանում կհամագործակցե՞ն: «Ժամանակը ցույց կտա»,-ավելացրեց Կ. Քոչարյանը: