Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի որոշմամբ երկարաձգվել է «Ղարաբաղ Տելեկոմ»-ին տրամադրված ռադիոհաճախականությունների օգտագործման թույլտվության ժամկետը։ Այս մասին հայտնում է «Արցախպրեսը»։

Աղբյուրի տեղեկատվությամբ՝ հանձնաժողովը փոփոխություն է կատարել «Ղարաբաղ Տելեկոմ» փակ բաժնետիրական ընկերությանը տրամադրված հաղորդման/ընդունման ռադիոհաճախականությունների հատվածներում մի շարք ռադիոհաճախականությունների օգտագործման թույլտվության պայմաններում և հաջորդ հարցով բավարարել է նույն ընկերության ներկայացրած հայտը, երկարաձգելով ընկերությանը տրամադրված ռադիոհաճախականությունների հատվածներում մի շարք ռադիոհաճախականությունների օգտագործման N 0002 թույլտվության գործողության ժամկետը՝ մինչև 2031 թվականի նոյեմբերի 19-ը: