Վայոց ձորի մարզում՝ Զանգակատուն գյուղի մոտակայքում, երեկ՝ ժամը 19:30-ի սահմաններում տեղի է ունեցել ավտոպատահար:

Դեռևս չպարզված հանգամանքներում «ԳԱԶ-24» մակնիշի անհայտ պ/հ ավտոմեքենան վրաերթի է ենթարկել մարզի Ելփին գյուղի բնակիչ` 1990 թ. ծնված Տիգրան Առաքելյանին և Արարատի մարզի Զանգակատուն գյուղի բնակիչ` 1977 թ. ծնված Տիգրան Իվանյանին:

«Տուժածները տեղափոխվել են Եղեգնաձորի հիվանդանոց: Ըստ բժիշկների` Տ. Առաքելյանի վիճակը ծանր է, իսկ Տ. Իվանյանինը՝ բավարար»,- հայտնում է Արտակարգ ալիք լրատվական կենտրոնը: