HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Նիկոլ Փաշինյան. «Մեր դաշնակիցը Ռուսաստանի Դաշնությունն է և ՀԱՊԿ-ը»

Կառավարության հետ հարցուպատասխանի ժամանակ ՔՊ-ական պատգամավոր Լուսինե Բադալյանը հայտարարեց՝ քանի որ ընդդիմության ներկայացուցիչները ԱԺ դահլիճում չեն, ինքը կփորձի այդ բացը լրացնել:

Դիմելով վարչապետին՝ Լուսինե Բադալյանն ասաց, որ Ադրբեջանը հարձակվել է Հայաստանի սուվերեն տարածքի վրա, և եթե աշխարհում նման բան լինում է, ռազմական դաշնակիցն անմիջապես հասնում է օգնության:

«Այսօր մեր ժողովուրդը բացասական տրամադրություններ ունի, շատ նեգատիվ և չի հասկանում, թե ինչու այս պահին, երբ թշնամին ներխուժել է Հայաստանի Հանրապետության տարածք, հայ զինվորը միայնակ կռվում թշնամու դեմ»,- ասաց պատգամավորը:

Նա, բացելով փակագծերը, նշեց, որ շատ են ստանում հեռախոսազանգեր, սոցիալական ցանցերում է հարցը քննարկվում, թե այսքանից հետո Հայաստանն ինչու դուրս չի գալիս ՀԱՊԿ-ից:

«Ով է մեր դաշնակիցը, և ինչու ենք այսօր միայնակ»,- վարչապետից հետաքրքրվեց Լ. Բադալյանը:

Նիկոլ Փաշինյանը, պատասխանելով պատգամավորի հարցին, միանգամից նշեց, թե մեր դաշնակիցը Ռուսաստանի Դաշնությունն ու Հավաքական անվտանգության պայմանագրի կազմակերպությունը են:

«Չնայած այդ խոսույթը կա, որ Հայաստանի և Ադրբեջանի սահմանների դեմարկացիա և դելիմիտացիա տեղի ունեցած չի, բայց այնուամենայնիվ երեկվա նիստի ընթացքում մեր գործընկերների կողմից հնչել են հստակ գնահատականներ, որ Ադրբեջանի զինված ուժերը ներխուժել են Հայաստանի Հանրապետության ինքնիշխան տարածք»,- ասում է Ն. Փաշինյանը:

Վարչապետի կարծիքով, եթե այդ ֆորմատով այդպիսի նախադասություններ են հնչում, դրանք չպիտի մնան անհետևանք: Այժմ գործարկվել է ընթացակարգ, որը, ըստ Փաշինյանի, պետք է ամեն ինչ անեն, որ հասնի իր տրամաբանական արդյունքին:

«Մենք չենք դիտարկում ռազմական միջամտությունը՝ որպես հնարավոր միակ սցենար: Կան քաղաքական, դիվանագիտական այլ մեխանիզմներ, գործիքներ»,- նշեց Ն. Փաշինյանը:

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter