HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Բողոքի ակցիա՝ ՀԱՊԿ անդամությունից Հայաստանի հրաժարման պահանջով

Այսօր՝ սեպտեմբերի 17-ին, ժամը 14։30-ին Երևանի Մարտիրոս Սարյանի անվան պուրակում բողոքի ինքնաբուխ ակցիա տեղի ունեցավ՝ ՀԱՊԿ֊ից Հայաստանի դուրս գալու պահանջով։ Մասնակիցները քայլերթ կատարեցին Մաշտոցի պողոտա, Տերյան և Պուշկին փողոցներով։

Ցուցարարներից մեկն ընթերցեց հետեւյալ տեքստը.

«Մենք փաստում ենք, որ միջազգային հանրությունը սատար է կանգնել ՀՀ-ին և փաստում ենք, որ Հավաքական անվտանգության պայմանագրի կազմակերպությունը՝ ՀԱՊԿ-ը, որի հիմնադիր անդամ է Հայաստանի Հանրապետությունը, և այդ կազմակերպության անդամ երկրները գրավել են չեզոք կամ հակադիր դիրք՝ ուղղակի կամ աննուղակի կերպով վնասելով Հայաստանին։ Հայտարարում ենք նաև, որ խախտված է ՀԱՊԿ-ի պայմանագրի 4-րդ հոդվածը, համաձայն որի՝ «եթե անդամ պետություններից որևէ մեկը ենթարկվի ագրեսիայի որևէ պետության կամ պետությունների խմբի կողմից, ապա անդամ պետությունների կողմից դա կհամարվի որպես ագրեսիա սույն Պայմանագրի բոլոր մասնակից պետությունների դեմ:

Մասնակից պետություններից որևէ մեկի դեմ ագրեսիայի ակտի ի հայտ գալու պարագայում, մնացած մասնակից պետությունները կցուցաբերեն անհրաժեշտ օժանդակություն` ներառյալ ռազմական օգնությունը, նաև կցուցաբերեն օժանդակություն իրենց տրամադրության տակ գտնվող միջոցներով` հավաքական պաշտպանության իրավունքի իրագործման կարգին համապատասխան` համաձայն ՄԱԿ-ի կանոնադրության 51-րդ հոդվածի»:

ՀԱՊԿ-ը միջոցներ չի ձեռնարկել՝ կանխելու Ադրբեջանի ագրեսիան, իսկ բախումների ժամանակ չի ցուցաբերել ռազմական օգնություն Հայաստանին՝ պաշտպանելու հիմնադիր անդամ երկրի անվտանգությունը։ Փաստում ենք, որ կազմակերպությունն այլևս ժամանակավրեպ, անօգուտ և վնասակար է թե՛ Հայաստանի Հանրապետության, թե՛ ինքնիշխան այլ հանրապետությունների համար, եթե դրանք առկա են կազմակետպությունում։ Մենք կոչ ենք անում բոլոր ինքնիշխան պետություններին՝ անհապաղ լքել այդ կառույցը։ Եվ հետևաբար, կազմակերպության և կազմակերպության անդամների որդեգրած դիրքորոշումները Հայաստանի անվտանգության, տարածքային ամբողջականության, ինքնիշխանության և միջազգային խաղաղության նկատմամբ, ինչպես նաև պայմանագրի կարևորագույն կետի խախտումը մեզ հիմք է տալիս պահանջել ՀՀ կառավարությունից և խորհրդարանից՝ դուրս գալ ՀԱՊԿ-ից օր առաջ և առավելագույնս խորացնել հարաբերությունները մեզ աջակցած բոլոր երկրների հետ»:

Քայլերթն ուղեկցվում էր ոստիկանության հսկողությամբ և կավարտվի կրկին Սարյանի պուրակում։

Էլեն Դանիելյան

ԵՊՀ Ժուռնալիստիկայի ֆակուլտետի ուսանող

Մեկնաբանություններ (2)

Lynn Nadjarian
These protesters calling for end of Treaty with Russia are completely without any plan for Armenians protection: completely crazy. Who will come to our defence? Only Russia.
Maro
Thank God, some truth and honesty about Russia for a change. What took so long? Russia is and has been betraying Armenia for a long, long time and violating its treaties with Armenia. When Armenians are lied to that it is ONLY Azerbaijan and Turkey that are at fault (but not Russia), how can they make proper decisions? Obviously, Russia also seeks the resignation of PM Pashinyan. Regardless of what you may think of that, shouldn't the truth be told and told publicily?

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter