Սեպտեմբերի 19-ին ՀՀ Մարդու իրավունքների պաշտպան Քրիստիննե Գրիգորյանը հեռավար քննարկում է ունեցել Human Rights Watch-ի Եվրոպայի և Կենտրոնական Ասիայի բաժնի ներկայացուցիչների հետ։ Այս մասին հայտնում են Պաշտպանի գրասենյակից։

Պաշտպանը ներկայացրել է սեպտեմբերի 16-ին հրապարակված ՄԻՊ-ի արտահերթ զեկույցը, հետևությունները, պատասխանել է Human Rights Watch-ի ներկայացուցիչների հարցերին, ինչպես նաև թարմ տեղեկություններ է տրամադրել շաբաթ ու կիրակի օրերի իրադարձությունների վերաբերյալ։

Պաշտպանն առաջարկել է ուսումնասիրել իր զեկույցում ներկայացված փաստերը և համատեղ շարունակել քննարկումները՝ Human Rights Watch-ի կողմից հնարավոր գործողությունների ձեռնարկման վերաբերյալ, այդ թվում՝ փաստահավաք այց իրականացնելու հնարավորությունը։