Արցախի Հանրապետության նախագահին առընթեր սահմանադրական բարեփոխումների մասնագիտական հանձնաժողովը տեղեկացնում է, որ Արցախի Հանրապետության Սահմանադրության նախագիծը դրված է հանրային քննարկման՝ Արցախի Հանրապետության իրավական տեղեկատվական համակարգում (arlexis.am): Այս մասին հայտնում են նախագահին առընթեր սահմանադրական բարեփոխումների մասնագիտական հանձնաժողովից։

Հայտարարության համաձայն՝ Արցախի Հանրապետության Սահմանադրության նախագծի վերաբերյալ առաջարկությունները՝ դրանց հիմնավորումներով, մինչև սույն թվականի սեպտեմբերի 30-ը՝ ժամը 18:00-ն, կարող են ներկայացվել Արցախի Հանրապետության Նախագահին առընթեր սահմանադրական բարեփոխումների մասնագիտական հանձնաժողովին՝ [email protected] էլեկտրոնային հասցեով:

Լրացուցիչ տեղեկությունների համար անհրաժեշտ է զանգահարել (+374) 94-25-64 կամ (+374) 95-33-41 հեռախոսահամարներով: