Հայաստանում ԱՄՆ դեսպանատան ֆեյսբուք էջը գրառում է արել սեպտեմբերի 27-ին դեսպան Լին Թրեյսիի Սյունիքի մարզ կատարած այցի վերաբերյալ: Այն ներկայացնում ենք ստորև.

«Սյունիքի մարզում դեսպան Թրեյսին հանդիպել է տեղահանված և սեպտեմբերի կեսերի հարձակումներից տուժած ընտանիքներին ու անձանց։

Քննարկվել են մարզի բնակչության առաջ ծառացած մարտահրավերները ու հրատապ խնդիրների լուծման ուղիները։

Դեսպան Թրեյսին եղել է Ակներ գյուղում, որը տուժել էր հրետակոծությունից։

Հանդիպման ընթացքում նա ընդգծել է, որ Միացյալ Նահանգները շարունակում է աջակից լինել Հայաստանի ինքնիշխանությանը»,- ասված է գրառման մեջ։