ԵՄ-ն Ուկրաինային կհատկացնի 5 միլիարդ եվրո
Եվրոպական միությունը մինչև 2022 թվականի տարեվերջ Ուկրաինային կհատկացնի 5 միլիարդ եվրո։ Այդ մասին հայտարարել է Եվրոպական հանձնաժողովի ղեկավարի տեղակալ Վալդիս Դոմբրովսկիսը։
Նա հայտարարել է, որ ուրախ է ստորագրել Ուկրաինայի հետ փոխըմբռնման երկրորդ հուշագիրը «այն պահից, երբ Ռուսաստանն սկսեց իր դաժան պատերազմը»։
Pleased to sign second Memorandum of Understanding with #Ukraine since Russia began its brutal war.
— Valdis Dombrovskis (@VDombrovskis) October 3, 2022
This time: the EU will provide €5 bln for 🇺🇦 immediate liquidity needs, pay salaries & pensions. We will deliver first part mid-October, next two parts to follow later in year. pic.twitter.com/Jxb9pVoduQ
«ԵՄ-ն Ուկրաինային 5 միլիարդ եվրո կտրամադրի իրացվելիության անհետաձգելի պահանջների, աշխատավարձերի և կենսաթոշակների վճարման համար։ Մենք առաջին մասը կհատկացնենք հոկտեմբերի կեսերին, հաջորդ երկու հատվածները կհաջորդեն այս տարի ավելի ուշ»,- գրել է Եվրոպական հանձնաժողովի փոխղեկավարը։
Ուկրաինայի վարչապետ Դենիս Շմիգալը շնորհակալություն է հայտնել Եվրոպական հանձնաժողովին այս որոշման համար և այդ փաթեթն անվանել «ԵՄ ժեստ, որը միտված է աջակցել այս պատերազմում Ուկրաինայի հաղթանակին, վերականգնմանը և եվրոպական ապագային ձգտմանը»։
#ЄС підписав Меморандум про взаєморозуміння щодо надання Україні €5 млрд макрофінансової допомоги. Вдячний @vonderleyen та @VDombrovskis за це рішення. Черговий жест ЄС, що має намір підтримати 🇺🇦 в перемозі у цій війні, відбудові та прагненні до європейського майбутнього.
— Denys Shmyhal (@Denys_Shmyhal) October 3, 2022
Ավելի վաղ Reuters գործակալությունը, հղում անելով իր աղբյուրներին, հայտնել էր, որ ԱՄՆ-ն, որպես Ուկրաինային օգնություն, պատրաստում է 1,1 միլիարդ դոլարի սպառազինության նոր փաթեթ։ Գործակալության զրուցակիցների տվյալներով՝ օգնության նոր փաթեթի մասին կհայտարարվի առաջիկայում։
Լուսանկարը՝ Եվրոպական հանձնաժողովի պաշտոնական կայքէջից
Մեկնաբանել