Մայիսի 30-ին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Ա. Սուքոյանի նստավայրում (ք. Երևան, Թբիլիսյան խճ. 3/9) նշանակված է «Հելսինկյան քաղաքացիական ասամբլեայի Վանաձորի գրասենյակ» ՀԿ-ն ընդդեմ Վլադիմիր Գասպարյանի՝ պատվին, արժանապատվությանը և գործարար համբավին պատճառված վնասի հատուցման պահանջի վերաբերյալ գործի դատաքննությունը:

Կազմակերպության կողմից հայցադիմում ներկայացնելու համար հիմք են դարձել 2011 թ. հոկտեմբերի 15-ին «Զինուժ» ծրագրում և 2011 թ. հոկտեմբերի 17-ին www.hraparak.am էլեկտրոնային էջում Վլադիմիր Գասպարյանի հարցազրույցները:

Կազմակերպությունը համարում է, որ հարցազրույցները պարունակում են մի շարք վիրավորական և միևնույն ժամանակ կազմակերպության բարի համբավն արատավորող արտահայտություններ: