Պայթյուն և փլուզում Երևանի Շարուրի 37 հասցեում. 2 զոհ (պարբերաբար լրացվող)
Մայիսի 29-ին՝ ժամը 14.48-ին, ահազանգ է ստացվել որ Երևանի Շարուրի 37 հասցեում տեղի են ունեցել պայթյուն և փլուզում, ինչի հետևանքով փլատակներում կա երկու մարդ:
Դեպքի վայր են մեկնել ՃԿԿ օպերատիվ խումբը, երեք մարտական հաշվարկ և փրկարար ուժերի վարչության երկու փրկարարական ջոկատ: Դեպքի վայրում է նաև ԱԻ նախարար Արմեն Երիցյանը։
Այս պահի դրությամբ փրկարարները փլատակներից դուրս են բերել 67-ամյա Ջանիբեկ Մարտիրոսյանին, որը ծանր վիճակում տեղափոխվել է «Էրեբունի» բժշկական կենտրոն։ Մյուս տուժածի որոնումները շարունակվում են։
Վերջին տվյալներով` ժամը 17.08-ին փրկարարները փլատակներից դուրս են բերել մյուս` 64-ամյա տուժածի մարմինը։ Բժիշկները հաստատել են նրա մահը։
Քիչ առաջ «Էրեբունի» բժշկական կենտրոնից տեղեկացանք, որ իրենց մոտ տեղափոխված 67-ամյա Ջանիբեկ Մարտիրոսյանը մահացել է:
Արտակարգ իրավիճակների նախարարություն
«Էլեկտրոն» գործարանի մասին «Հետքի» հոդվածը կարդացեք այստեղ:
Մեկնաբանել