Հանքահորի պայթյունի հետևանքով Թուրքիայի զոհերի թիվը հասել է 40-ի (թարմացված)
28 մարդ զոհվել է, ևս 11-ը տուժել Թուրքիայի Բարթըն նահանգի Ամասրա քաղաքի շրջանում գտնվող ածխի հանքահորում տեղի ունեցած պայթյունի հետևանքով։ Այդ մասին Anadolu գործակալության փոխանցմամբ հայտարարել է Թուրքիայի առողջապահության նախարար Ֆահրեթին Քոջան։
Նրա խոսքով՝ տուժածներից վեցը գտնվում են Ստամբուլի հիվանդանոցներում, հինգը՝ Բարթընում։
Ամասրա քաղաքի շրջանում գտնվող հանքահորի պայթյունը տեղի էր ունեցել հոկտեմբերի 14-ի երեկոյան՝ 300 մետր խորության վրա։ Այդ պահին հանքահորում աշխատում էր 110 մարդ։ Ինչպես հայտնել է Բարթընի նահանգապետ Նուրթաջ Արսլանը, 14 հանքագործի հաջողվել է փրկել հանքահորից, ևս առնվազն 49-ը արգելափակված են գետնի տակ։ Պայթյունի պատճառները դեռևս անհայտ են։
Թուրքիայի նախագահ Ռեջեփ Թայիփ Էրդողանը չեղարկել է բոլոր իրադարձությունները, որոնք նախատեսված էին հոկտեմբերի 15-ին և պատրաստվում է ժամանել դեպքի վայր։ Բարթըն նահանգի դատախազությունը հանքահորի պայթյունի հետևանքով հարուցել է քրեական գործ։
Էրդողանի հանձնարարությամբ՝ արդեն իսկ դեպքի վայր են մեկնել Թուրքիայի ներքին գործերի նախարար Սուլեյման Սոյլուն և բնական ռեսուրսների ու էներգետիկայի նախարար Ֆաթիհ Դյոնմեզը։
Թարմացված՝ Թուրքիայի ներքին գործերի նախարար Սուլեյման Սոյլուն հայտարարել է, որ զոհերի թիվը հասել է 40-ի։
Լուսանկարը՝ Anadolu գործակալության
Մեկնաբանել