Շնորհավոր hունիսի 1՝ երեխաների իրավունքների պաշտպանության օր:

«Կանանց ռեսուրսային կենտրոն»-ի «Դեռահաս աղջիկների ծրագիր»-ը նախաձեռնում է աննախադեպ միջոցառում՝ նվիրված երեխաների իրավունքների պաշտպանությանը:

«Լինենք երեխաների կողքին» խորագիրը կրող միջոցառումը տեղի կունենա հունիսի մեկին՝ ժամը 16:00՝ Կարապի լճի շրջակայքում (Առնո Բաբաջանյանի արձանի մոտ):

Միջոցառման շրջանակներում դեռահաս աղջիկները կբարձրաձայնեն  ծնող-երեխա փոխհարաբերությունների ներկայիս խնդիրների մասին: Հաշվի առնելով մեր հասարակաությունում  վերջին ժամանակներում դեռահասների շրջանում տեղի ունեցող սահմռկեցուցիչ իրադարձությունները՝ «Կանանց ռեսուրսային կենտրոն»-ը կարևոր է համարում խոսել, երեխաներին հնարավորություն տալ արտահայտվել այն խնդիրներից, որոնք բարդեցնում են երեխա-ծնող փոխհարաբերությունները:

«Լինենք երեխաների կողքին»  միջոցառման շրջանակներում մասանկից դեռահասները ծնողներին կբաժանեն  թռուցիկներ, որտեղ նշված են իրենց մտատանջություններն ու ցանկությունները՝ ուղղված երեխաների և ծնողների փոխհարաբերություններին, իրենց խնդրանքը ծնոնղերին՝ լինելու իրենց կողքին, խոսելու իրենց հետ:  Մասնակիցները անուշադրության չեն մատնի նաև երեխաներին՝ իրենց փուչիկներ և քաղցրավենիք նվիրելով:

Եկե´ք միասին օգնենք երեխաներին՝ խոսել իրենց ծնողների հետ և լսված լինել նրանց կողմից:

«Կանանց ռեսուրսային կենտրոն»