Հայաստանի վարչապետ Նիկոլ Փաշինյանը երեքշաբթի օրը՝ նոյեմբերի 1-ին նախատեսում է այցելել Իրան։ Այցը կայանում է Իրանի նախագահ Էբրահիմ Ռայիսիի հրավերով։ Այդ մասին հայտնում է Mehr գործակալությունը։

«Նիկոլ Փաշինյանը մեր երկրի նախագահի հրավերով մտադիր է վաղն այցելել Թեհրան երկկողմ բանակցություններ վարելու համար»,- IRNA գործակալությանը հայտարարել է Իրանի նախագահի վարչակազմի քաղաքական հարցերով փոխղեկավար Մոհամադ Ջամշիդին։

Հիշեցնենք, որ հոկտեմբերի 22-ին Փաշինյանը Երևանում հանդիպել էր Իրանի ԱԳ նախարար Հոսեյն Ամիր Աբդոլահյանի հետ։ Ինչպես հայտարարել էր ՀՀ վարչապետի մամուլի ծառայությունը, իրանական դիվանագիտության ղեկավարը Փաշինյանին Ռայիսիի անունից հրավիրել էր այցելել Թեհրան։

Լուսանկարը՝ ՀՀ կառավարության մամուլի ծառայության