Գլխավոր դատախազությունը տեղեկացնում է, որ այսօր՝ ժամը 16:10-ի սահմաններում, դատախազության ավտոմեքենան բախվել է մեկ այլ մարդատար մեքենայի, տուժածներ չկան: 

«Գլխավոր դատախազության ավտոմեքենան գլխավոր ճանապարհով՝ Հանրապետության փողոցով, թույլատրելիից ցածր արագությամբ, ընթացել է և մուտք գործել խաչմերուկ, երբ նույն պահին երկրորդական ճանապարհից՝ Բուզանդ փողոցից, խաչմերուկ է մուտք գործել Nissan մակնիշի ավտոմեքենան և առաջամասով բախվել է գլխավոր ճանապարհով ընթացող՝ Գլխավոր դատախազության ավտոմեքենայի աջ կողային մասին: Տուժածներ չկան»,- ասված է գլխավոր դատախազի խորհրդական Լուսինե Մարտիորսյանի տարածած պարզաբանման մեջ։

Ըստ shamshyan.com-ի, այդ ավտոմեքենան սպասարկում է գլխավոր դատախազ Աննա Վարդապետյանին։