«Չորրորդ ինքնիշխանություն». Քուշկյանը կգնա, Նիկոյանը կգա
Քաղաքական շրջանակներում համառորեն խոսակցություններ էին շրջանառվում, թե հնարավոր է, որ ՀՀ առողջապահության նախարար Հարություն Քուշկյանը դուրս գա ԲՀԿ-ից եւ շարունակի մնալ ՀՀ առողջապահության նախարար: Մինչդեռ «ՉԻ» տեղեկություններով, Քուշկյանը որոշել է հաստատապես հանձնել նախարարի պորֆելը: Երեկ այդ պաշտոնի համար շրջանառվում էր Մխիթար Հերացու անվան բժշկական համալսարանի ռեկտոր Դերենիկ Դումանյանի անունը:
Ավելացնենք նաեւ, որ «ՉԻ» տեղեկություններով, ՀՀԿ-ական Սամվել Նիկոյանը, այնուամենայնիվ, իր տեղը կունենա գործադիրում: Չի բացառվում, որ նա զբաղեցնի կամ ՀՀ սոցապ, կամ էլ ՀՀ քաղաքաշինության նախարարի պաշտոնը: Նրա համար ակտիվ լոբբիստական աշխատանք է իրականացրել ՀՀ վարչապետ Տիգրան Սարգսյանը:
Ի դեպ, Սարգսյանը Սերժ Սարգսյանին բարեխոսել է, որպեսզի իր պաշտոնավարումը շարունակի ՀՀ բնապահպանության ՀՀԿ-ական նախարար Արամ Հարությունյանը: Շրջանառվող խոսակցությունների համաձայն՝ Հարությունյանն իր նեղ շրջապատում հայտարարել է, թե ինքը մնալու է նախարար, որովհետեւ վարչապետի հարցերը լուծել է:
Ավելացնենք նաեւ, որ ՀՀ կապի տրանսպորտի նախարար Մանուկ Վարդանյանը եւս չի շարունակի նախարարի իր կարիերան: Եթե այս ոլորտը նորից տրվի ՕԵԿ-ին, չի բացառվում, որ ՕԵԿ քվոտայով նախարար դառնա Սամվել Թադեւոսյանը:
Մեկնաբանություններ (2)
Մեկնաբանել